Alexandra van Huffelen lo no a keda sorprendi si el a lesa DIARIO
- Ainda e mester splica Senado Hulandes pakico el a condena Aruba
- Wega cu interes riba prestamo misterio mas grandi cu eleccion
ORANJESTAD(AAN)- Tal manera DIARIO a adverti su lectornan, ayera uno di e lamentanan pisa cu por a wordo scucha mientras tabata conta voto Hulandes, tabata di e partido di Alexandra van Huffelen.
Manera ta e costumber na Hulanda, mientras e proceso electoral ta tuma lugar, pronosticonan ta wordo haci dor di expertonana.
Pa NOS y RTL e experto Ipsos a haci pronosticonan cu ta goza di un credibilidad grandi como indicador di loke por spera como resultado di eleccion na Hulanda.
Un resultado cu tabata desaroya su mes di un forma cu pa lectornan di DIARIO e no tabata ningun sorpresa, pero mas bien prueba directo di e veracidad di informacionnan clave di DIARIO.
Mientras Reino henter tabata en espera di e resultado di eleccionnan Hulandes, cu lo ta base di Gobierno di Reino tambe, e lider di partido di Alexandra van Huffelen a admiti cu su partido a wordo golpea formalmente dor di votadornan Hulandes.
E lider di partido D66 di Alexandra van Huffelen no a bay busca e motibo den su propio seno, pero a atribui e caida formal cu mas cu mitar (segun prome informacion) di su partido cerca otro.
Si e partido di Alexandra van Huffelen a tene cuenta cu e informacionnan cu DIARIO a presenta, e lider Jetten lo no a a haci e declaracion aki pero lo a ripara cu nada ta stroba DIARIO di topa cu e berdad di desaroyonan na Aruba y cu DIARIO a adverti Pueblo di Aruba cu tras di situacionnan increibel, tabata tin e caida formal di e partido di Alexandra van Huffelen na Hulanda.
Tristo den e historia aki ta, cu DIARIO ta wordo produci den lama Caribe pero aparentemente ta mas na haltura di loke Pueblo di Aruba ta pensa di partidonan politico Hulandes y loke nan ta presta, cu e lider di e partido di Alexandra van Huffelen.
Misterioso ta keda, sinembargo, cu mientras ayera Jetten a sclama cu e partido no tabata sa cu e ta hoga den e poz electoral Hulandes, DIARIO a mustra cu e forma cu Alexandra van Huffelen a produci un penalty pa Aruba den forma di blackmail cu interes cu Aruba mester a paga riba debe, tabata basa riba e forma rapido cu e partido di Alexandra van Huffelen tabata zink na horizonte politico Hulandes.
E prome informacionnan cu a drenta di Hulanda, a confirma tur ponencia di DIARIO, cu actualmente ta pendiente di e contestanan cu Alexandra van Huffelen mester entrega Senado Hulandes, cu miembronan mucho mas cerca di e realidad politico actual na Hulanda, cu e Gobierno di Alexandra van Huffelen cu awor si no por continua cu e base casi for di base, cu e Gobierno tin for di momento cu el a wordo forma despues di ultimo eleccion.
Awe e lider di partido di Alexandra van Huffelen, mester bay papia cu Mark Rutte, cu a kibra record di permanencia den Gobierno pero a bula for di e barco politico di su partido, prome cu e derota formal di eleccion 2023.
Mark Rutte, cu ta e gobernante cu a sostene e Gobierno di Mike Eman cu a crea e debe desastroso pa Aruba na 2010 y a habri porta pa un programa special pa companianan Hulandes cu kier a uza Aruba como hub pero te awor ta den submarino, ta despedi di un Aruba na man di un Gobierno capaz cu a percura pa un saldo positivo pa Aruba, pero cu Alexandra van Huffelen kier castiga.
Riba e dia cu Sinterklaas y Zwarte Piet, despues di a parti regalo pa tur mucha, ta regresa Spaña, e coalicion den Tweede Kamer cu a sostene e blackmail di Alexandra van Huffelen, mester despedi.
Awor e dobel seis politico ta subi mesa. E carta di Eerste Kamer mester haya un contesta y e legitimidad di e maneho di van Huffelen cu un interes pa prestamo na Aruba, mester wordo demostra na Senado Hulandes, Eerste Kamer, y e resultado lo wordo hereda dor di un Parlamento nobo cu partidonan cu a cuestiona e accion di Alexandra van Huffelen cu e interes halto cu Pueblo di Aruba mester paga pa e prestamo di Covid-19 pasobra Gobierno Wever-Croes no a entrega autonomia di Aruba como penalty pa e debe cu un pandemia a crea!
