Ciego-Sordo-Mudo relatonan anual di Lotto - ORANJESTAD (AAN): Parlamentario Endy Croes a tuma nota cu Sr Roland Tuitt di Lotto, lo kier drenta arena politico dunando cierto expresionnan manera
cu ta depende di e maneho di gobierno lo traduci den mas fondo pa deporte. Tin biaha mester pensa si ta bale la pena reacciona riba tiponan asina cu algun periodista ta pone palabra den nan boca.
Cada tanto tempo, Tuitt kier bin cu publicacionnan politico pa purba hustifica e fracaso di e bestuur actual. Ta bon pa Tuitt sondea historia di Lotto cu a inicia desde 1982 tras di vision di MEP e tempo aya Roy van Putten (def), Remy Zaandam y estadista Betico Croes. Despues Lotto a evoluciona na final di 1999 unda Lotto a bay online siendo bao maneho di Ola e tempo aya y desde 2001 MEP a tuma over.
Desde 2001-2009 bentanan a tripflica bou maneho di Ramon Lee y MEP di 16 miyon pa mas cu 42 miyon bruto pa aña 2009. Entre 2002 y 2009 a construi Parke Jaburibari, Stadion Frans Figaroa, Stadion Nady Croes y Crismo Angela, Parkenan na Pos Chiquito, Sportcomplex Yara y Simeon Antonio, veld di futbol na Yara y a drecha iluminacion di tur canchanan rond Aruba mientras a keda inverti den e atleta y Federacionnan tur aña.
Te hasta deportenan cu no ta reconoci mediante un federacion a haya ayudo manera Bola’s , Bush league etc etc pa nombra algun.
Desde 23 di November 2009 te cu awor AVP a take over y ta mesun hendenan nombra door di Mike de Meza y Mike Eman desde e tempo aya ta na timon te cu awe.
Tuitt por nombra un (1) solo proyecto den infrastuctura di Deporte cu nan a realisa? Tuitt a lesa rapportnan financiero 2009-2010-2011-2012-2013 y 2014? Tuitt a compronde cu e hendenan aki a hinca 5 miyon di deporte den mannan di amigonan abogado na tur sorto di investigacion? Tuitt ta di acuerdo cu esaki?
Di con nunca pero nunca Tuitt a menciona esaki? Tuitt ta tapa kizas pa e coruptonan mes mes? October venidero esaki lo yega un final. Raad van Toezicht boso cuminsa enpaketa y busca boso stoel di zoya paso no tin awa pa laba. Ta esakinan Tuitt mester busca pa sa promer cu e kier hunga politica barata y defende esnan cu a habraca Lotto cu e solo intension paso ta nan a firma Bo contract lucrativo.
Tuitt tampoco a cumpli cu Statuut:
Como Directeur Bo mester carga Bo responsabilidad. Statuut nobo di October 2017 bou di cual Tuitt a firma como Director ta para hopi cla! Relato anual di Lotto mester ta cla 6 luna despues di e kalenderjaar. Pues tur aña na Juni e jaarrekening di e aña anterior mester ta cla prepara pa worde presenta na Raad van Toezicht.
Art 16 di Statuut lid 3 ta papia hopi kla cu e Director ta obliga di presenta dentro di 3 luna di e aña coriente un un relato annual na Raad van Toezicht y ta specifica con y kico e mester cumpli cune. Figurabo awor Director ta core purbando di sera jaarrekening nan di añanan atrasa. Tuitt a presenta cifras di aña 2020 caba? Wel Tuitt tambe ta in gebrek. Pues mas bale Bo cumpli cu bo responsabilidadnan como “Bestuurder” enbes di hunga politica barata den prensa.
Mensahe final percura pa tur documento ta den Lotto y carga Bo responsabilidad. Pronto e biento nobo lo ta suplando.
