ORANJESTAD (AAN) – Den conferencia di prensa di fraccion di Movimento Electoral di Pueblo, e Secretario General di e partido, Parlamentario Endy Croes,
el a cuminza pa dirigi algun palabra di pabien na miembronan di prensa riba Dia di Prensa cu ta wordo celebra dia 1 di September.
Parlamentario Croes a expresa cu prensa ta hunga un rol importante, y e libertad di expresion ta un derecho fundamental, y mas cu claro un prensa obhetivo tin un papel hopi grandi den e comunidad.
Tambe el a felicita tur alumno di scol cu inicio di aña escolar 2021-2022, tambe dia 1 di September, y a desea e maestronan hopi forza y pasenshi como educadornan, cu MEP tin hopi aprecio pa nan, y ta kere cu e fundeshi fuerte ta un bon educacion, no solamente pa e hoben pero pa henter un nacion cu, lo pone su pueblo progresa y prospera.
