ORANJESTAD (AAN): Un di e weganan di mas popular di Lotto keto bay ta Zodiac.
Aki bo ta escoge un number di 4 cifra, y agrega un signo zodiacal y ya bo ta den wega.
Esey ta exactamente loke Pánvila a haci, y el a gana tambe! Pesey riba Dialuna el a acudi na oficina di Lotto pa asina reclama su premio.
Aki nan a check su ticket pa mira si el a pone su firma patras, y asina a scan e barcode. E computer inmediatamente a indica cu Pánvila a gana e premio di 25.000 Florin cu wega di Zodiac.
Mesora a cuminza cu e proceso pa transferi e premio electronicamente pa su cuenta di banco. Pánvila a splica cu e ticket ganador mes el a cumpra na Lucky Mac.
