HAARLEM: Tabata Diaranzon merdia banda di 2’or, cu un candela a start riba e dak di un cas den Helsinkistraat na Haarlem.
Riba e dak aki tin panelnan solar. Esakinan parce di tin algo di haber cu e causa di e candela. Como cu ningun hende tabata na cas, pues ningun persona a keda herida. Esaki a pone cu Bomberonan mester a kibra porta pa asina por a yega den e cas.
Hopi hende no sa cu panelnan solar por causa candela, y aunke no tin hopi cobertura di noticia riba nan, e hecho si ta cu esaki ta wordo registra na diferente parti rond mundo.
Varios factor ta pone un solar panel bira susceptible pa candela, incluyendo e hecho cu nan ta fabrica di silicon, cu tin un aspecto natural di ta un explosivo. Ta conoci cu solar panelnan a yega di ta envolvi den varios caso di candela grandi ultimo añanan.
E causa mas comun di panelnan solar kimando, ta un corto circuito, unda e wayanan ta sali for di e panelnan pa bay rumbo pa e charge controller. Y hopi biaha ta un mal instalacion ta contribui na e causa principal ey.
