ORANJESTAD (AAN): Frans Ponson, miembro di Comerciantenan Uni Aruba (CUA) a informa cu ta organisando un 'Business Networking Event: CBA & The Economy' otro siman diaranson 22 di maart.
E meta ta pa trece e comerciantenan hunto unda ta bay tin oradornan representando diferente instancia y instituto na Aruba, manera Banco Central y Minister di Economia.
Tambe e intencion ta pa tin intercambio di opinion riba kico ta bayendo bon y kico no y trece speransa cerca e comerciantenan, a bisa, pasobra kier pa e comerciantenan sigui inverti den e pais aki.
Esaki ta un bon oportunidad pa haya informacion for di e comerciantenan y sa kico ta e preocupacionnan den cada sector. Tur esaki ta bon pa un anochi manera esaki pa intercambia y kisas te hasta por haya un solucion e mesun anochi ey, a remarca.
Segun Ponson, CUA kier pa e comerciantenan participa y trece e preocupacionnan dilanti pa wak con por yuda otro riba e topiconan aki.
