Luna di november ta dedica na aprecio pa tur empleado
ORANJESTAD (AAN): Orco Bank y Aruba Bank, institutonan financiero di prestigio, recientemente a uni durante un Summit cu e topico di 'Change to Grow'.
E evento colaborativo aki tin como meta pa stimula innovacion, comparti perspectiva, y aborda hunto e retonan y oportunidadnan pa 2024.
E summit 'Change to Grow' ta un plataforma unda diferente invitado special interno y externo a intercambia pensamento tocante e tendencianan transformativo cu ta influencia e sector bancario.
Participantenan a experencia presentacion informativo tocante topiconan manera digitalisacion (AI), cambio, y experiencia di crecemento personal.
Rosabelle Illes tabata e maestro di ceremonia, y a establece e tono pa e summit, liderando participantenan den un programa entreteni y dinamico.
Abigail Paula, Head of Retail Banking na Orco Bank, como prome orador, a comparti un narrativa impactante di su trayecto atraves di cambionan transformativo, sirbiendo como un storia inspirativo pa adaptacion y resistencia.
Marlon Kock, Team Leader IT Architecture & Projects, a profundisa den e poder transformativo di inteligensia artificial (AI), enfatisando riba e rol como un herment pa mehora eficiencia y crea un luga di trabou mas inteligente.
Pa culmina e evento orador internacional renombra Liza Engel a comparti su trayecto, enfatisando e papel pivotal di adapta na cambia pa ta exitoso y a subraya e bentaha colectivo di crese hunto.
'Change to Grow Summit 2023' a reafirma e compromiso di Orco Bank y Aruba Bank pa crea un ambiente di conocemento continuo, adaptacion, y colaboracion.
