Aruba Astro Research ta confirma
ORANJESTAD (AAN): Aruba Astro Research a informa cu nan a haya confirmacion cu e 20 satelitenan di Starlink a drenta atmosfera bek y kima esta desintegra den fragmento esta pida pida, riba diabierna 12 di Juli 2024 y a perde tur e 20 satelitenan cu ta un perdida grandi pa SpaceX, cu a wordo confirma pa coleganan di Space.Com y Jonathan McDowell di Harvard University.
Aruba Astro Research Int. a ricibi un lista di e 20 satelitenan Starlink cu a drenta atmosfera y disintegra. Tambe a ricibi e lista di e dos asteroid cu a pasa mas cerca di planeta tera cu ta asteroid 2024 NG y 2024 NB2. Ningun di e dos asteroid aki a drenta atmosfera di planeta tera esey ta confirma tambe.
Asteroid 2024 NG a pasa na 9 LD lunar Distance 3,459,609 miyon di km di distancia di planeta tera y grandura 18 Diameter(m) y Asteroid 2024 NB2 a pasa un tiki mas leu na 10 LD Lunar Distance 3,844,01 miyon di km di distancia for di planeta tera y grandura 33 Diameter(m).LD Lunar Distance ta e calculacion di e distancia entre Luna y Planeta Tera.
Te cu awor e asteroid cu a pasa mas cerca pa cu luna di Juli, riba diahuebs 11 di Juli 2024 ta Asteroid 2024 NK3 na 0.3 LD Lunar Distance cu ta 115,320,3 mil di km for di nos planeta tera toch basta cerca pero leu di peliger pasando cu seguridad cu no ta impacta cu atmosfera di nos planeta tera.
Un meteor fireball (un bola di candela) ta diferente cu un entrada di restonan di satelite y otro obhetonan cu ta drenta nos atmosfera y kima.
Aruba Astro Research Int. haciendo un investigacion mas profundo di e entrada di e meteor fireball ta bin descubri cu e ta un categoria BOLIDE METEOR ta un meteoro excepcionalmente briyante, mas briyante cu magnitude -4 y dos biaha mas cla cu luna yen.
