ORANJESTAD (AAN): Organisadornan di Curacao North Sea Jazz Festival a anuncia diamars cu debi na un combinacion di reto- y factornan logistico,
escasez di personal, skemanan di e biahenan, cu ta yen yen di boek, pa realiza e gira musical cu tanto artista y bishitante, y pa colmo tambe aumento fuera di proporcion causa pa e pandemia di e virus di Covid-19, ta pone cu e organisacion di e Festival di mas dia na Corsow no lo wordo realisa e aña aki.
E organisacion ta sigui bisa: "Nos a spera ku den e verano akí nos lo por a bolbe bini Kòrsou. Pero manera ta konosí, e tipo di konsierto i esun di e festival aki a keda asotá dor di e pandemia menshoná i e konsekuensianan di loke a keda menshoná ariba, ainda ta notabel.
No solamente dor di eskases enorme di personal i e oumentunan di gastu; tambe e skemanan di gira di e artistanan ta ekstremadamente yen. Ademas di tur eseinan logístikamente tin ainda retonan grandi: biahamentu internashonalmente ta keda un gran reto, meskos ku e disponibilidat i transporte di ekipo i aparatonan den e ramo di e espektákulo musikal aki.
Despues di konsulta ekstenso i amplio, nos a haña nos ta tuma e desishon fèrfelu akí.
Pero nos ta sigui karga speransa pa e añanan benidero, den aña 2024 di por start atrobe na Kòrsou ku nos Curacao North Sea Jazz Festival", asina a finalisa bisando.
