ORANJESTAD (AAN): Minister Xiomara Maduro a hiba palabra durante e conferencia di prensa unda a anuncia e parada nacional di luz.
Relaciona cu esaki a surgi varios pregunta di parti di prensa unda ta referi y compara e evento aki cu e situacion di e recorte di salario di e empleadonan publico.
Minister Maduro a duna di conoce cu esaki ta bay ta un parada nacional. Esaki no ta un periodo di carnaval ya cu carnaval tin un existencia largo. Casi 70 aña ta bezig na Aruba cu carnaval y pa 70 aña largo tur hende sa cu e dienstnan cu tin cu traha cu carnaval, principalmente anochi cu no ta ora di trabao, e tin su costo cu ne.
Esey ta un costo cu ta wordo carga aña aden aña afo. No mester lubida cu den pandemia tambe, pa otro trabaonan cu mester a wordo haci gobierno di Aruba a cumpli cu 100 porciento den paga tur e overtime cu tabata tin.
"No a tende niun ora cu a corta den pagamento di overtime pasobra esey no ta berdad. A paga tur overtime", a bisa.
Den e caso aki lo ta mesun cos y gobierno lo percura pa cumpli cu e parti aki tambe, e mandatario a indica.
