LIMA: Un caso insolito a socede siman pasa na Peru, ora cu a bin haya sa cu un muher a benta den baki di sushi un bruki den cual e tabatin 10 mil soles warda cu e tabata spaar. E placa aki ta igual cu US$ 2.500.
E muher a splica na prensa cu e mes a benta e bruki afo, y algun dia despues el a corda cu ta den e bruki ey e tabatin e placa di spaar warda, y a bay coba den tur baki di sushi den e bario cu yudanza di bisiñanan.
Y nan a bin haye tambe! Ora nan a dune, el a bay conta esaki cada placa di papel uno pa uno, y e tabatin full e suma aden. Su storia a hasta yega na canalnan di TV na Peru.
