CIUDAD TRUJILLO: Autoridadnan di estado Trujillo ta convenci cu nan ta wordo usa como un sorto di trampolin
y zona di transito pa narcotraficantenan cu ta buscando forma di transporta droga pa yega finalmente sea na capital di Venezuela of na costa di Lama Caribe.
E biaha aki, nan a logra gara un muher kende tabata viahando di estado Merida rumbo pa estado Carabobo. Polisnan di Guardia Nacional Bolivariana cu ta staciona na un punto di control na Buena Vista, a detene e muher aki cu tabatin 60 bolita di droga den su stoma.
Esaki a bin despues cu nan a papia cune, y a mira con el a cuminza bira hopi nervioso mes. Despues cu el a basha abao y admiti cu e tin droga den su stoma.
E muher Leonor L. a wordo hiba na un Hospital pa haci X-Ray, y a confirma cu tin bolita den curpa.
Ora cu el a saca tur 60 bolita, a pisa nan y a yega 900 gram.
