ORANJESTAD (AAN): Durante su estadia na Hulanda, Minister Maduro di Finansa ta reuni cu diferente instancia y persona riba e tema financiero di nos Pais.
Una bes cu e leynan di Consenso di Reino manera e RAFT drenta na vigor, Aruba lo tin un relacion financiero nobo cu Hulanda.
Den preparacion pa esaki, Minister Maduro a reuni cu sr. Richard van Zwol kende ta Miembro di Conseho di Estado (Staatsraad) y alavez ta Miembro di e Camara Presupuestario Hulandes (Begrotingskamer).
Durante e reunion e mandatario a intercambia pensamento riba organizacion di un Camara Presupuestario pa Aruba, ya cu un organo asina ta supervisa e normanan financiero y esey ta necesario pa un bon maneho financiero di Aruba.
