ORANJESTAD (AAN) – Den entrevista cu DIARIO, Minister Presidente, Evelyn Wever-Croes, a bisa cu honestamente e no ta tribi di duna un time-line aworaki,
pa wak solucion den Departamento di Infrastructura y Planificacion (DIP).
E dignatario a expresa cu e mes a purba. E tin e ministerio aki pa casi tres aña den e Gabinete, y tur loke el a purba nada a logra te cu ainda, pa move e situacion.
“Pero awo cu no tin investigacionnan mas di Ministerio Publico, mi ta kere cu e cosnan por cana mas lihe! Claro, mester di algun otro asunto manera e digitalizacion cu mester finaliza, mester haya algun personal, tur hende nan nanishi mester ta riba mesun direccion cu nos ta traha akinan, pa yuda nos ciudadanonan pa nan yega na nan tereno”, Minister Presidente a reitera.
