ORANJESTAD (AAN) — Minister di Enseñanza, Endy Croes, a yama un conferencia di prensa, Diahuebs mainta,
den cual el a presenta e asina yama “Doorlichting van let Arubaanse Onderwijssysteem” (evaluacion di e sistema educativo), e “tussen reportage” (raport preliminar), di e plan di accion.
E mandatario a bisa cu manera ta conoci, desde November 2020, gobierno di Aruba tin un protocol cu Hulanda, den cual ta trata e Landspakket y tambe tin ainda den debate, e parti di COHO y Raft, cu ta ancra den trayectoria cu Aruba lo bay cana, pa cu reformanan di diferente parti, pa asina haci Aruba mas fuerte y resiliente pa futuro.
Esaki pa si algo manera e pandemia por touch Aruba y ohala cu nunca mas, no mester ta hopi dependiente di Hulanda, manera ta e caso awo.
“Manera nos sa, Hulanda a saca man yuda e Islanan di Reino, y Aruba te cu aworaki a ricibi prestamonan di Hulanda na interes hopi abao na valor di 904 miyon caba, y e aña aki ainda nos mester presta entre 300 cu 400 miyon, pa nos por sali for di e problematica aki, di e pandemia”, e dignatario a relata indicando cu banda di cu e prestamonan aki ta bin cu condicion, a surgi otro temanan di dia manera e 12.6%. E mandatario a bisa cu toch e tabata tey mas tanto pa presenta un “ Doorlichting van Let Arubaanse Onderwijssysteem”, e “tussen rapportage di e plan di accion.
E mandatario a splica cu esaki ta di acuerdo cu e protocol firma na November 2020 caba. Na April 2021, Inspeccion di Enseñanza di Hulanda hunto cu Inspeccion di Enseñanza di Aruba a cana e trayectoria pa haci un revision completo den full onderwijs. Inspeccion di Hulanda tabata na Aruba na Juni 2021, pues prome cu el a encarga cu e cartera aki, y a bolbe Aruba na September, unda hunto cu Inspeccion di Aruba a haci e revision aki, a papia cu hopi directiva di scol, tambe cu cabesantenan di scol, a papia cu hopi docente, a sinta den klas, a papia cu otro stakeholders, a revisa hopi rapport existente caba, y na November a produci e asina yama “Tussen Rapport”.
“E no ta e rapport final. Esaki lo bin riba mesa, segun mi a haya update e siman aki, na inicio di Mei. Ora nos a ricibi e rapport aki, den e proceso y palabracionnan entre Hulanda y Aruba, e ministerio den e caso aki, tabata tin seis siman pa duna su reaccion riba dje, cual nos a haci tambe, y despues di eleccion tabata tin palabracion entre Hulanda y Aruba di e proceso con pa cana pa nos publica e rapport aki, tambe” Minister di Enseñanza a splica.
El a pone enfasis cu ta un rapport preliminar y e rapport final por tin cambionan ora tur detaye wordo concretiza, pero esaki ya caba ta e guia y e compas, pa Aruba por cumpli cu e Landspakketnan y cu e trayecto, cu no ta onderwijs so, pero ta ocho diferente seccion cu a pasa den doorlichting, manera Belasting, Salubridad, Economia, Finanzas, unda Aruba y Hulanda tin representante.
