Despues cu Evelyn Wever-Croes a evita cu e barco Aruba lo a zink - *Pirata Daphne ta yuda e accion na 2021 di inversionista Mericano Miguel Mansur - *Daphne ta despedi di Parlamento como refugiado den asiento secuestra di MEP
ORANJESTAD(AAN)—E siman aki e palabra “debate politico” a bay halto manera un bandera cu adverti tur hende cu horcan ta acerca. Eleccion ta na caminda y Aruba ta mira atrobe asilo politico pa tur cu kier futuro garantisa sea cu nan merece of no.
Awe ora nos analisa e periodo 2017-2021 nos mester conclui cu
Nos atencion a wordo exigi door di Evelyn Wever-Croes cu a haci loke poco hende lo por a haci of sikier pensa pa nan haci pa scapa Aruba for di loke su pais natal tabata aden.
Na 2017, Aruba no tabata tin placa y mester a mira con e ta dera e cadaver di Citgo cu Mike Eman a permiti Nicolas Maduro pone riba lomba di Aruba.
Loke Evelyn Wever-Croes a haci no tin nomber! Manera nos ta sigui bisa, solamente e logro di Betico Croes pa Status Aparte ta iguala den historia di Aruba, loke Evelyn Wever-Croes a logra pa evita cu e barco Aruba lo a sink cu e cargamento di herencia di Mike Eman. Ora costa tabata parce cerca, Evelyn Wever-Croes mester a dirigi Aruba den un pandemia cu a haci cu mester a cera porta pa turista.
Evelyn Wever-Croes a duna contenido na e realidad cu un politico mester ta un ehempel pa hubentud.
Algo cu sigur no por bisa di Daphne Lejuez, cu na man di Evelyn Wever-Croes y MEP a haya oportunidad di drenta Parlamento. Hamas por yama Daphne Lejuez un ehempel pa grandi of chikito, pasobra e Arubiano no ta secuestra loke ta di otro pa uza palabra bunita.
Daphne Lejuez a bay cu e asiento di MEP pa mas honor y gloria di Daphne Lejeuz cu awe por bay schoolnan y splica muchanan con el a destabilisa un Gobierno cu secuestro di e asiento di MEP, y keda cu un entrada y posicion como Miembro di Parlamento te awe.
Na final di 2020 a bira conoci cu Daphne kier keda den Parlamento pero awor na man di Miguel Mansur, cu a nace na Aruba pero a keda leu for di Aruba.
Manera Napoleon Bonaparte Miguel Mansur a yega Aruba pa busca su Waterloo. Aparentemente Aruba ta un pais asina desconoci pa Miguel Mansur, cu e no sa cu na Aruba no tin Waterloo.
Aruba tampoco sa mucho di Miguel Mansur, un inversionista di Merca, cu awor mester ta na haltura mescos cu tur hende, cu Hulanda kier bin inverti den Aruba manera e acuerdo cu Evelyn Wever-Croes a logra pa Hulanda, ta bisa.
Miguel Mansur a yega manera Napoleon Bonaparte un dia a yega Francia pa baha Rey y despues e mes bira Emperador.
Awor con nos por bisa hubentud cu Miguel Mansur ta un bon lider pa Aruba, un ehempel pa hubentud, si nos ni Aruba a mira mucho di e inversionista di Merca, cu awor kier cambia Aruba den un asilo pa tur cu a bira lomba pa nan pais?
Nos bista ta keda dirigi riba costa di Aruba, pa mira e barco Aruba cu Evelyn Wever-Croes a rescata pa awe hende cu ta kere cu placa ta habri wowo di tur hende, bin trata na humilia e lider real di Aruba, Evelyn Wever-Croes, un ehempel pa hubentud Arubano.
Aruba mester di accion positivo, cu a bira realidad na man di Evelyn Wever-Croes ora Daphne Lejuez tabata sinta riba e asiento cu el a kita for di MEP den un acto di pirateria politico.
Miguel Napoleon Bonaparte, mester pone prueba riba mesa cu e ta un ehempel pa hubentud manera Evelyn Wever-Croes, cu a nace y biba na su pais pa como prome dama cu a fungi como Prome Ministro den historia di Aruba, lucha y evita cu a barco Aruba ta zink na man di politica barata y oportunista.
