ORANJESTAD (AAN): Un di e weganan mas popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Meredith a haci tambe, y el a bira feliz pa mira cu el a gana. Pesey riba Diahuebs el a acudi na oficina di Lotto na Playa pa reclama su premio.
Aki e funcionarionan a revisa cu su ticket tin su firma poni patras, y a scan e barcode. E computer inmediatamente a confirma cu Meredith a gana e suma di 88.750 Florin cu e wega di Zodiac Merdia.
Di biaha a sigui cu e proceso pa transferi e premio electronicamente pa su cuenta di banco. Meredith a indica cu e ticket ganador el a cumpra na Botanica Koyari.
