ORANJESTAD (AAN): Ora cu Parlamento a trata presupuesto 2026 pa Parlamento.
Durante e reunion cada parlamentario di MEP tabata hopi critico riba e vice presidente Muzaninn Wever riba su actitud dictatorial siman pasa.
Parlamentario Edgard Vrolijk a duna les den derecho constitucional mustrando cuanto articulo di nos Constitucion Muzaninn Wever a viola. Parlamentario Shailiny Tromp-Lee a subraya cu e actitud dictatorial ta un accion inaceptabel y ta un manipulacion.
Parlamentario Rocco Tjon cu su rason a bisa tambe cu ki bal nos aproba e presupuesto si nos mes no ta balora nos mes, referiendo na e hecho cu e fraccionnan di AVP y Futuro no ta respeta regla.
Parlamentario Endy Croes tambe a condena e falta di transparencia di e vice presidente di parlamento. Parlamentario Hendrik Tevreden a finalisa bisando cu Parlamento mester “walk the talk”, specialmente den exigi pa respeta democracia.
