Arabella Colina, Presidente ta relata:
ORANJESTAD (AAN)—Den entrevista cu Arabella Colina, Presidente di Mary Joan Foundation, el a comenta pa DIARIO, cu despues di dos aña no activo cu nan caminata, e aña aki si el a tuma lugar, Diadomingo 30 di October ultimo.
Colina a indica cu tabata tin mas di 700 participante, uni den un bunita caminata den un atardi yena cu hopi amor, cu caranan masha contento, pa e Fundacion sigui cu su trabao na comunidad, y yuda pashentnan cu ta sufri di cancer di pecho, cu sosten psico-social.
E caminata aki ta un di e maneranan mas grandi cu e fundacion ta haci pa recauda fondo y nan ta hopi gradici cu e apoyo di nos comunidad, y sigur di tur nan sponsornan, y e donacionnan y regalonan cu nan ta haya pa por tin premionan pa tur e participantenan.
Esaki ta e di 14 caminata rose cu Mary Joan Foundation a organiza, un biaha pa aña. Esaki ta un caminata cu mundialmente ta tuma lugar na October, cu ta e luna di concientizacion riba cancer di pecho. MJF lo sigui tene su caminata rose riba e ultimo Diadomingo di Luna di October, kiermen otro aña nan lo tey bek cu poder di Dios, cu expectativa cu e lo bira mas grandi.
{gallery}Mas di 700 participante den e bunita caminata, cu amor y alegria, organiza pa Mary Joan Foundation{/gallery}