ORANJESTAD (AAN): E ta un wega facil pa hunga. Djis cumpra un number consistiendo di cuatro cifra, y agrega un signo zodiacal y ya bo ta den wega.
Esey ta loke Mary a haci tambe, door di cumpra su numbernan vast. El a bira feliz pa nota cu el a gana!
Pesey riba Dialuna el a acudi na oficina di Lotto na Playa pa reclama su premio. Aki nan a revisa su ticket a check si el a pone su firma patras, hunto cu e numbernan di banco.
Ora di scan e barcode, e computer a confirma cu Mary a gana 12.500 Florin cu wega di Zodiac. Asina a cuminza cu e proceso pa transferi e premio electronicamente.
Mary a indica cu e ticket ganador el a cumpra na Place Your Bet Lottery.
