ORANJESTAD (AAN): El a cumpra su 3 numbernan pa e sorteo di Lucky 3 cu ta pasa tur merdia y anochi na Lotto. Y el a bet 5 Florin riba su number.
Ora cu Maria su numbernan a sali, el a bira feliz, como cu esey so a dune e premio di 2.500 Florin.
Sinembargo, Maria a paga 5 Florin extra pa asina a hunga Multi-X. Y pa su suerte, e biaha aki Multi-X tabata X5.
Pues el a multiplica su premio 5 biaha cu e Multi-X, y finalmente el a gana e premio total di 12.500 Florin.
El a pasa reclama su premio na oficina di Lotto na Playa, unda mesora a sigui cu e proceso pa transferi e premio electronicamente pa su cuenta di banco. Maria a indica cu e ticket ganador mes el a cumpra na Monserat Lottery.
