Actualmente na Aruba tin 44 persona interna --- *Aruba a registra 33 mil caso positivo durante e pandemia
ORANJESTAD (AAN): Ultimo dia di luna di Januari ta cera cu 136 persona recupera y un total di 72 caso nobo di COVID-19 cu a keda registra di cual 1 ta no-residente.
E cifranan aki ta representa un 'Positivity rate' bou di residentenan di 43%. E cantidad di casonan activo di COVID-19 ta 294 y cantidad di fayecidonan relaciona cu COVID-19 ta 193. Datonan ta ilustra casonan nobo di COVID cu un averahe semanal di 58 caso pa dia y un averahe di 'Positivity rate' semanal di 48% pa dia.
Actualmente na Aruba tin 44 persona interna cu of debi na COVID di cual den ICU tin 3 persona y riba piso general tin 41.
Na Colombia tin actualmente 6 persona den ICU y ninguno (0) riba piso general.
