ORANJESTAD (AAN): Minister di Enseñansa y Deporte Endy Croes a continua cu diferente reunion riba e tereno di enseñansa, a toca turno cu Marlon Vrolijk y Jerehm Campbell di FEPA.
“E tabata un bon reunion, lo sigui promove enseñansa pa adulto”, e mandatario a expresa. Tin hopi interes pa cuminsa cu un “middag Mavo” na Papiamento.
FEPA tin un acuerdo cu Stichting Examen Kamer di Hulanda y asina e estudionan cu FEPA ta ofrece ta wordo acredita. FEPA tin hopi estudio y curso cu nan ta ofrece y tin intencion pa sigui expande den añanan nos dilanti.
Minister Endy Croes a termina enfastisando cu tur caminda cu por contribui pa asina brinda posibilidad na e conciudadanonan pa siña y prepara nan mes por medio di educacion, por conta cu su sosten.
