Detencion e siman aki
ORANJESTAD (AAN): Riba Diaranson atardi, a bin tuma nota cu keto bay LandsRecherche ta activo investigando e asina yama “Caso Flamingo”.
E asina yama “Caso Flamingo” aki ta un investigacion dirigi principalmente riba iregularidadnan den otorgamento di un cantidad grandi di terenonan comercial di erfpacht den e periodo di aña 2017 pa aña 2019. Pues e investigacion ta pa haya sa, si un of mas compania a logra obtene incorectamente un opcion riba terenonan di erfpacht den e periodo di November 2017 pa December 2019, caminda ta investiga tambe e eventual rol di e minister anterior.
A sali na cla, cu Diamars 1 di Maart 2022, LandsRecherche a detene un sospechoso den e investigacion Caso Flamingo. E informacion aki, vocero Ann Angela di Ministerio Publico a confirma pa prensa.
E muher di inicial E.F. ta worde sospecha di envolvimiento den iregularidadnan den otorgamento di terenonan erfpacht.
E investigacion ta continua. No ta exclui mas detencion.
