Jayburtt Dijkhoff cu yamado:
*Awo ta bay exigi pa nan cuminza pasa via AruBIG
ORANJESTAD (AAN) —Den conferencia di prensa, Dr. Jayburtt Dijkhoff, di Kwaliteitinstituut, a duna di conoce cu awo AruBIG ta bay exigi pa tur nurse y psicologo na Aruba, cuminza pasa via esaki.
Dijkhoff a haci un invitacion na tur nurse y psicologo local, atende un presentacion cu ta bay tuma lugar awe, Diahuebs 26 di September y mañan, Diabierna 27 di September, na Hyatt Place Airport Aruba, di 1’or traimerdia te 5’or di atardi.
Jayburtt Dijkhoff a splica cu esaki pa motibo cu Minister di Turismo y Salud Publico, a ordena pa e Decreto Nacional (Landsbesluit) cu ta regula tur nurse y psicologo wordo activa. Esaki a pasa na Ministerrad y e ta bayendo e caminda oficial pa wordo formaliza, despues di un trayecto di mas cu un aña di preparacion y cu a papia cu, practicamente, tur organizacion den e veld di Salud Publico, pa por a yega na e Decreto Nacional aki.
“ Y di con esaki ta importante? Pasobra esaki ta haci cu no solamente Aruba ta bira e prome Isla den Caribe, cu ta bay tin AruBIG activo pero tambe e ta bay duna un proteccion special pa tur pashent, pa tur persona cu ta biba na Aruba. Cu na momento cu un persona wordo registra Gobierno, na modo di bisa, ta para garantia cu e persona a pasa su screening y por carga e titulo tambe di, sea nurse of di psicologo”, Jayburtt Dijkhoff a señala.
El a agrega cu si e persona no haci esaki, na momento cu e Decreto Nacional
Dijkhoff a subraya cu si e persona no haci esey drenta na vigor, e persona ta usando un titulo ilegalmente.
“Pues, ta hopi importante pa tur profesional tene cuenta cu e cambionan cu ta bay bin, y pa por cumpli cu esaki tambe. Dus, e registro no ta solamente pa proteccion di pueblo, pero tambe ta pa duna un proteccion na e profesionalnan pa por tin e titulo y pa por eherce nan profesion. Ken ta falta aworaki pa e registro ta, basicamente, e nursenan, tur specialista den enfermeria, asistente di docter cu ta un profesion nobo cu awo tambe ta wordo reconoci den e Decreto Nacional; tambe tur psicoterapeuta, psicologo clinico, neuro-psicologo, y otro specialistanan cu ta reconoce na Merca y Canada, den ramo di Psicologia, tin tambe e Orthopedagogonan, e Orthopedagogo generalist, cu ta conoci awo tambe na Hulanda, y pa ultimo e Technologic clinico, cu ta yuda seguramente den e sala di operacion na Hospital.
Prome cu asisti na esaki mester registra na e email: عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
