ORANJESTAD (AAN): Recientemente durante nan Reunion General, ex-president di Kiwanis Club of Aruba,
esta Tessely Ranis-Koolman a honra un di e sostenedornan di hopi tempo envolvi den nan ‘Bon Bista Project’.
Pa hopi aña, Aruba Vision Center tabata e forza di empuhe tras di Kiwanis su programa di cuido di wowo pa muchanan, pa nan ta sigur cu e generacion di mas hoben tin e oportunidad pa mira claro y sigui bay dilanti.
E huesped Greg Johnson, tabata agradabelmente sorprendi cu un gesto di aprecio pa e sosten generoso di Aruba Vision Center y nan dedicacion continuo pa cuido di bista di muchanan. Pesey Kiwanis Club of Aruba a gradici Aruba Vision Center pa yuda nan haci un diferencia, un mucha cada biaha.
