ORANJESTAD (AAN): Un di e popular weganan di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal na dje, y bo ta cla den wega.
Esey ta loke John a haci, y a gana tambe! Pesey riba Dialuna el a acudi na oficina di Lotto na Playa pa reclama su premio. Aki el e entrega su ticket cu su firma y detaye di banco riba dje, pa asina a scan e barcode. E computer inmeditamente a confirma cu John a gana 12.500 Florin cu e Zodiac.
Asina a cuminza cu e proceso pa transferi e premio electronicamente pa su cuenta di banco. John a indica cu e ticket ganador el a cumpra na Indio Stewart Lottery Santa Helena.
