ORANJESTAD (AAN): Un di e weganan popular di Lotto keto bay ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal na dje, y cla bo ta.
Esey ta loke Jhonatan a haci, y el a gana tambe! Pesey riba Diabierna el a acudi na oficina di Lotto na Playa pa reclama su premio. Aki nan a revisa su ticket, y ora di scan e barcode, e computer a confirma cu Jhonatan a gana 25.000 Florin cu e wega di Zodiac Merdia.
Mesora a start cu e proceso pa transferi e premio electronicamente pa su cuenta di banco. Jhonatan a splica cu e ticket ganador mes el a cumpra na Manton II Lottery na Santa Cruz.