ORANJESTAD (AAN): Un di e weganan di hende gusta hunga di Lotto, ta Zodiac.
E hungadora Jahaira a cumpra su numbernan y combina nan cu signo zodiacal, y a gana tambe.
Pesey riba Diahuebs el a acudi na oficina di Lotto na Playa pa reclama su premio. Mesora a check si el a pone su firma na e banda patras di e ticket, y asina a scan e barcode. E computer inmediatamente a indica cu el a gana 12.500 Florin.
Despues di esey mesora a cuminza cu e proceso pa transferi e premio pa su cuenta di banco. Jahaira a indica cu e ticket ganador el a cumpra na Mandingo’s Snack.
