Audrey Croes PR di NV ELMAR:
ORANJESTAD (AAN) – DTI tambe ta envolvi den e proceso di instalacion di solo panels, pero instaladornan di Elmar ta e uniconan cu ta representa e cliente, segun Audrey Croes, Relacionista Publico di NV Elmar, a splica den entrevista cu DIARIO.
El a señala cu di parti di Elmar nan tin nan Keurmeesters y di DTI tambe. Pero e instaladornan di Elmar ta e unico personanan cu ta representa e clientenan, y esaki ta un must. Y pa locual ta inspeccion, instalador reconoci so ta hacie.
Croes a menciona cu e contacto ta bay online, y tin un portal unda henter e proceso por cana y mira e stat den cual e ta.
El a agrega cu e cliente residencial tin diez kilowatt di panel solar cu e por pone riba su cas, pero esaki ta depende di e cantidad di kilowatts cu e ta gekeurd.
Den caso cu e cliente residencial kier pone mas e por bay na e inspeccion regular e ora ey, pa subi su cantidad di keuring. E ora ey e por pone mas solo panels tambe, Audrey Croes a indica.
El a agrega cu esnan cu tin panel solar ta uza 7 kilowatt, en general. Pero tin algun cu nan ta duna un maximo di diez kiermen e cliente residencial ey tin 100 kilowatt, y esey ta e maximo actualmente.
Esaki ta debi na e average cu nan ta uza, cu ta 7Ktts, pero e intencion no ta pa pusha bek den e grid, pero pa uza e cantidad cu bo casa ta uza cu ta 7.
“Pasobra manera mi a menciona e energia solar ta fluctua hopi, na Europa ta un vervuiling di e grid. Ora cu bo ta pusha bek den grid e ta un voltahe instabil. Por ehemplo, tin distribuidornan na Hulanda nan ta cobra e cliente si e ta pusha bek den e grid. Den e caso akinan e cliente bo ta haya un porcentahe riba e prijs di coriente si bo ta pusha bek den e grid. Kiermen, esey ta diferencia”, Audrey Croes a señala.
