Laga bo yiu descubri su potencial maximo...
ORANJESTAD (AAN): Mayornan por cuminsa inscribi nan yiunan pa e proximo aña escolar 2025 - 2026 y join e famia di SKOA pa asina yuda nan descubri nan potencial maximo den nan trayecto di nan educacion.
Di con scoge pa SKOA: E meta primordial na SKOA ta enfoca ariba e desaroyo y crecemento di cada mucha. Nan ta ofrece educacion di calidad cu ta enfatisa balornan Catolico, comunicacion na nivel multilingual, diversidad, innovacion y actividadnan extra-curicular.
Mayornan por scoge di un variedad grandi di scolnan pa nan yiunan. Muchanan cu ta bay SKOA ta ricibi un educacion completo cu ta prepara nan pa e futuro.
Inscribi completamente online: Por inscribi via e website www.skoa.aw pa asina inscribi completamente online. Por inscribi via email na عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.. Por inscribi tambe via WhatsApp na +297 748-5995 y sigui e pasonan pa completa e inscripcion. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nos systema di SAS.
Contribucion di mayor: E tarifa di contribucion di mayor pa e proximo aña escolar pa basis y mavo:
Pa basisschool schoolgeld ta 275 Florin y airco geld ta 150 Florin. Pa mavoschool schoolgeld ta 350 Florin y airco geld ta 150.
Pa por completa inscripcion pa aña escolar nobo di 2025-2026, mester cumpli cu e rekisito di SKOA cu ta rekeri e contribucion di “schoolgeld y airco geld” di 2024-2026 ta completo paga. Mayornan cu ta desea un areglo di pago por haci peticion pa esaki. SKOA ta duna guia na tur mayor durante e proceso di inscripcion.
