ORANJESTAD (AAN): Fundacion SKOA ta cuminsa cu su campaña anual di inscripcion pa tur mucha cu ta bayendo e prome aña di kleuter.
Inscripcion pa kleuter ta conta pa tur mucha cu ta bay haci 4 aña den 2024. Mayornan cu ta desea pa nan yiunan bay un scol di SKOA por cuminsa cu e proceso di inscripcion pa asina sigura nan luga pa e siguiente aña escolar. Pa haya mas informacion di tur e scolnan di kleuter por bishita e website www.skoa.aw.
Inscripcion ta habri dia 1 di December 2023. Pa inscribi bo yiu ta simpel, mayornan por inscribi na diferente forma. Por inscribi via e website www.skoa.aw completamente online.
Por inscribi via email door di manda SKOA un email na عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. tambe.
Por inscribi via WhatsApp door di manda un mensahe directo na +297 748-5995 y sigui e proceso pa completa e inscripcion. Pa mayornan cu ya caba tin yiu inscribi na SKOA por haci inscripcion di e yiu cu tin cu cuminsa kleuter via e systema di SAS. Ora di inscribi mester pone bon atencion ariba e documentonan cu ta necesario pa asina por cumpli cu e proceso di inscripcion di bo yiu.
Mayornan cu inscribi nan yiu ta haya un periodo di 2 siman pa asina por cumpli cu e prome pago of pago completo di schoolgeld pa e aña escolar venidero. Despues di 2 siman, si e pago no a worde completa, e cupo di inscripcion ta worde cancela cu consecuencia cu no lo bay tin un luga sigura pa e yiu cuminsa kleuter e proximo aña escolar.
SKOA su meta principal ta pa enfoca ariba e desaroyo y crecemento di cada mucha y ta traha pa brinda un bon base na su educacion pa asina prepara nan pa futuro.
