ORANJESTAD (AAN)- Iniciativa pa Desaroyo pa Empresa Arubano (IDEA) kier a invita tur esnan cu tin un negoshi existente of cu ta den proceso pa habri un negoshi pa join e webinar di: “Tax Time, for Small Business Owners & Entrepreneurs”.
E webinar lo tuma luga, diaranson, 15 di september 2021, di 10’or pa 11:30’or am y Departamento di Impuesto (DIMP) ta esun cu lo duna e workshop durante e webinar.
Algun di e topiconan cu lo bin dilanti durante e workshop ta lo siguiente:
Kico ta encera e obligacionnan administrativo (administratieplicht)
Declaracion obligatorio (Aangifteplicht)
Con pa yena e aangifte IB si bo tin un eenmanszaak y cua ta e costonan deducibel
Con pa yena e WB si bo tin un negoshi, NV of VBA y cua ta e costonan deducibel
Con pa yena bo BBO, LB y primanan
Kico tur mester tene cuenta cu ne y con pa aplica esaki ora bo tin un negoshi
E webinar ta completamente GRATIS.
Pa tur empresario existente of cu ta den proceso pa habri un negoshi y cu kier atende e webinar aki mester registra via e siguiente link:
https://www.eventbrite.com/e/tickets-tax-time-169860075057
Despues di registra via e link aki , bo persona lo ricibi un otro link, cual lo ta e invitacion pa join e webinar aki.
No tarda pa registra pasobra e cupo ta limita.
