ORANJESTAD (AAN): Riba peticion di Ministerio Publico e siman aki huez-comisario a suspende condicionalmente e detencion di e sospechoso Pieter Susebeek den e investigacion Avestrus.
Huez-comisario a pone como un di e condicionnan cu S. no mag di tin contacto cu otro sospechosonan y cu e tin cu coopera cu e investigacion.
Pa loke ta trata Parlamentario Benny Sevinger, e sigui cumpli cu su bewaring di 18 dia.
Manera ta conoci, Caso Avestrus ta un investigacion penal di Landsrecherche relaciona cu posibel delitonan di corupcion y otro hechonan castigabel posiblemente cometi cu otorgamento di terenonan di gobierno den e añanan 2009 te 2017.
