ORANJESTAD (AAN): E team na Hilton Aruba Caribbean Resort & Casino ta emociona pa comparti cu entre e propiedadnan di Caribe & Latino America (CALA) pa loke ta e marca di Hilton,
e resort na Aruba a logra bay cu 4 premio, anuncia recientemente na e CALA Resorts, Luxury & Lifestyle Regional Meeting cual a tuma luga na Hilton Cancun.
Reconocemento den e Resorts, categoria Luxury & Lifestyle a inclui: (*) 2021 Market Share Award – reconoci pa stimula y yuda crece e market share door di recuperacion. (*) 2021 Customer Award – reconoci pa tremendo experiencia di cliente y respondi di review di aña.
Reconocemento den e CALA region a inclui: (*) 2021 CALA General Manager of the Year, cu a bay pa Vasco v. Baselli. (*) Blue Energy Strong Award – presenta na hotels cu e resultadonan di survey di mas halto incluyendo detayes manera servicio general, sintiendo nan mes bon bini, resolviendo problemanan y limpiesa di camber
Rene Kan di Aruba Growth Fund ta comparti: “Mi ta extremamente orguyoso di henter e miembronan di team di Hilton Aruba, kende ta sigui demostra nan tremendo esfuerso y contribui na e reconocemento fantastico aki.” Kan tambe a agrega un pabien special na Vasco Baselli pa su reconocemento mereci y liderazgo. E compania ta hopi orguyoso cu e ta forma parti di e team y ta desea mas exito den futuro. Bravo!
Na Aruba, General Manager Baselli a declara: “Ta un honor grandi di por worde reconoci pa Hilton cu e premiacion prestigioso aki, specialmente den presencia di un grupo asina fantastico di coleganan y managers.
Mi gratitud sincero y admiracion ta bay na henter e miembronan di team di Hilton Aruba, kende ta demostra diariamente e hospitalidad caluroso cu Hilton ta worde reconoci p’e, hunto cu e alegria y amabilidad cu nos One Happy Island ta famoso p’e rond mundo.
E premiacion aki mas cu tur cos ta reconoce e trabao duro y compromiso na nos bishitantenan.”
