ORANJESTAD (AAN): Diasabra mainta e Helicopter di Guardacosta di Caribe Hulandes, esta Helicopter AW 139 a lanta vuelo pa ehecuta un evacuacion medico.
E peticion pa yudanza a drenta pa 11:00 am na Recue y Coordination Center (RCC) di Guardacosta, esta cu un homber Hulandes a subi Christoffelberg (na Curacao) y a cay na tres meter for di top di e Sero cu consecuencia serio el a keda herida y mester di asistencia rapido.
E Helicopter a mobiliza pa e Sero cu abordo material medico y CITRO Medico a worde notifica pa presta asistencia.
Cu e sistema di hoist, nan a hisa e victima for di e Sero pa bay cune abordo di e Helicopter. E tabatin un cap na cabez, un pols kibra, y diferente rasca na braza y pia, pero su condicion tabata stabil y por a comunica cu esnan cu a rescat’e.
Cu e victima abordo, nan a bula rumbo pa Aeropuerto di Hato, unda cu el a haya yudanza di dos paramedico. Mientras ta spera riba yegada di Ambulans y di biaha nan a transporta e victima pa C.M.C. pa mas trato medico.
