ORANJESTAD (AAN): Parce cu atrobe e situacion aki ta bolbe lanta cabes.
Por corda cu den algun ocasion habitantenan a denuncia cu tin hendenan sin escrupulo cu ta venenando cacho y pushi den diferente bario.
Esaki awor a bolbe sosode den becindario di Ruby y Westpunt.
Ta masha tristo pa mira cu bo mascota of un pober animal sin hogar ta wordo venena pa hendenan cu mente maligno.
Pesey ta importante pa si bo tin un mascota, pa tin esaki den bo cura. No lag'e bay riba caya, ya cu ademas di ta prohibi segun ley di cacho, ta peligroso pa e bestia cu por wordo gedal pa un auto, pero tambe pa e transeuntenan cu por wordo ataca den caso cu e cacho ta uno bravo.
Tene cuenta cu e asunto aki pa no haya bo mes den un situacion fastioso.
Den e caso di esnan cu ta venena e bestianan aki, nan tambe por wordo denuncia na polis pa locual nan ta haciendo.
