ORANJESTAD (AAN) – Parlamentario Ricky Hoek, a tuma nota cu WEB a hisa prijs di awa y coriente,
y el a menciona cu Gobierno y Fraccion di MEP tin tur atencion riba esaki, pa pone e aumento aki “on hold” pasobra nan no kier wak un situacion unda prijs di awa, coriente y gasoline ta subi, pasobra e no ta algo conveniente pa ningun ciudadano na Aruba.
“Nos ta di opinion, y nos a duna informacion caba na WEB pa nan por purba baha gastonan unda cu ta posible, internamente, pa asina prijs di awa y coriente por keda abao pasobra cu aumento di prijs di gasoline, cu ta bay sosode, e ta bay bira hopi caro pa nos” e parlamentario a señala.
Hoek a subraya cu su fraccion ta trahando pro-activo, buscando solucionnan y ta sintando cu WEB, tin tur e situacionnan aki al caso, y ta bay atende cu tur e temanan aki cu hopi urgencia.
