Errol de Freitas, Presidente di SNBA:
*Proyecto di verfmento na Bernhardstraat no ta suficiente
ORANJESTAD (AAN)-- Presidente di San Nicolas Business Association, señor Errol de Freitas, sa declara den un entrevista cu Matutino DIARIO, cu SNBA ultimamente no a bin den entrevista cu prensa, pasobra nan ta bezig preparando locual ta bay pasa na Juli cu Augustus.
De Freitas a bisa cu e no tey pa bati palo riba ningun hende ni gobierno pero e ta cuestiona cu tin minister ta bisa cu a haci esaki of esaya, pero realmente e no ta weita cu algo ta pasando.
“Awo nos ta bay den un proceso, den tur e lunanan aki, di ehecucion. Kiermen, un plan di ehecucion; con pa hacie! Nos ta riparando keto bay, cu gobierno no tin atencion pa Gobierno, fuera di un actividad cu bo ta weita verfmento na Bernhardstraat, pero algo cu por haci un cambio real, e no ta sosodiendo” Presidente di SNBA, a bisa.
El a agrega cu tampoco nan tin conexion cu gobierno, manera un ronda di minister. E no ta tumando lugar, aunke si SNBA tin contacto cu algun di e ministernan.
“Ami no ta mind si nan tuma algun proyecto di nos hacie, pero bo tin cu sinta papia cu esun cu a origina e idea, loke tampoco ta pasando. Kiermen, na unda nos ta? Nos tabata tin un combersacion cu un oficial di gobierno, cu nos tin respet p’e, anto nos tin cierto acuerdonan di un plan na caminda pa un Conseho di Minister na San Nicolas, cu ta den planning. Na di dos lugar, topiconan di importancia, cu mi ta bay papia den e entrevista aki, ta topiconan di importancia ta cosnan cu por cambia e economia di San Nicolas, inmediatamente. Kico esaki ta?”. Na prome luga e ta para mi tras, e ta e terenonan di e refineria. Y nos ta papiando di un poliza di energia, kico tur por. E prome di e aspectonan aki ta, cu mundo no ta para” Errol de Freitas a subraya.
