A propone un fecha tambe!
WILLEMSTAD: Durante reunion di Conseho di Ministro, Gobierno di Curaçao a tuma decision pa propone Venezuela un fecha pa habri frontera entre Venezuela y e isla.
Conseho di Ministro a bin cu e idea pa propone Venezuela pa reapertura di frontera pa cu e parti maritimo y esun aereo tuma lugar Dialuna 3 di April 2023.
Den un proximo periodo lo finaliza hunto cu Venezuela e ultimo detaye y condicionnan pa por yega na e reapertura di frontera dia 3 di April 2023.
Gobierno di e isla a bisa cu nan lo sigui informa comunidad riba e proceso aki, y ta keda pendiente pa Venezuela bay di acuerdo cu e fecha cu Curaçao a propone.
Diahuebs atardi a circula informacion cu posiblemente Caracas a bay di acuerdo cu e proposicion aki, sinembargo oficialmente ningun dato a ser ofreci ainda prome cu ciere di edicion aki.
