ORANJESTAD (AAN): E ta un wega hopi gusta tambe, unda bo ta djis escoge 4 number y por gana bon placa.
Esey ta loke Giovanni a haci tambe. El a cumpra su ticket cu cuatro numbernan, y el a gana tambe.
Pesey riba Dialuna el a acudi na oficina di Lotto pa reclama su premio. Aki el a entrega su ticket, y mesora a scan e barcode imprimi riba dje. E computer di Loto inmediatamente a confirma cu Giovanni a gana 10.000 Florin cu wega di Big 4.
Mesora a cuminza cu e proceso pa transferi e premio electronicamente pa su cuenta di banco. Giovanni a indica cu e ticket ganador mes el a cumpra na Mega Jackpot Piedra Plat.
