James Sneek, director Telefon pa Hubentud:
ORANJESTAD (AAN) Pa medio di su bandera cu por mira, por ehemplo riba rotonde W.V. Boulevard, Fundacion Telefon pa Hubentud-131 kier a manda un mensahe pa mayornan.
James Sneek, director di FTPH, a bisa cu esaki ta un mensahe pa mayor cu ta esun cu ta stuur auto, por ehemplo. Anto e ta wak e bandera, na momento cu e yega e rotonde, y e ta un campaña cu e fundacion ta haciendo pa tres aña caba.
Esaki ta un concientizacion, enberdad, pa loke ta e mayor. “Tin mayornan cu, por ehemplo, ta 13 ora pa dia for di cas, pasobra nan tin cu traha. Esey sin bay den discusion tocante e supervision despues di scol, cu e mayor no tey: den man di ken e yiu ta?
E mucha/hoben ta su so? Si of no. Nos tin estudionan haci aki na Aruba cu ta mostra bo cu e mucha asina tin 13 aña, hopi biaha e ta su so na cas, of hopi biaha e tin cu wak pa otro mucha, cu ta su ruman muhe, of su ruman homber. E mayor aki, cu e banderanan aki, ta para keto un rato pensa cu enberdad tin un liña di telefon, cu na momento cu e no por tey pa su famia pasobra e tin cu labora, mi por dirigi mi yiu eynan. E mayor cu ta traha, por ehemplo, na hotel e ta un mayor cu ora e ta sali for di cas ora e yega bek na cas, e ora ey ta wak su yiu. E no ta un mayor cu 1’or ta bay busca su yiu, ta puntr’e con a bay awe, con bo ta sinti awe, con scol a bay? P’e mayor aki tambe ta importante p’e sa y bisa e yiu cu tin un organizacion cu na momento cu e no por tey, tin un liña di telefon cu ta 131 y nan tey tur dia pa scucha bo”, James Sneek director FTPH, a reitera.
