ORANJESTAD (AAN): Diamars, dia 1 di juni, a worde celebra rond di mundo e Dia Mundial di Lechi (World Milk Day!)
Pa mustra sosten na e productor nan di lechi, e sector lacteo y pa reconoce e importancia di lechi como un alimento global.
Un dia cu e marca di lechi mas conoci na Aruba, Frisian Flag, a celebra cu diferente school rond di Aruba. Durante e Dia Mundial di Lechi, cu a worde celebra mundial pa e di 21 aña, e focus ta pa comparti e historia di lechi y pa splica su importancia como un fuente di alimentacion.
E aña aki Frisian Flag a celebra World Milk Day hunto cu alumno di diferente school y a comparti un desayuno pa asina introduci e bondad di lechi na un manera ‘informal’. A bishita varios kleuter-y basisschool pa educa e muchanan y pa laga nan purba pa nan mes lechi den diferente forma.
Rond mundo diferente pais ta organiza actividadnan, mayoria pa mucha nan, pa asina: Comparti e mensahe di con bon e Lechi ta. Hisa un glas di cu Frisian Flag pa nos celebra e Dia Mundial di Lechi hunto! Durante full e luna di juni tambe lo tin diferente supermercado participando cu nan oferta nan special di Frisian Flag.
