A solicita Presidente di Parlamento un Encuentro Publico:
ORANJESTAD (AAN): Riba diahuebs a bira conoci cu Fraccion di MEP den Parlamento a pidi Presidente di Parlamento, Gerlien Croes pa yama un reunion cu Minister President Evelyn Wever-Croes pa duna un update di e negociacionnan cu Hulanda tocante e Rijkswet.
Riba potret por mira e carta cu fecha 16 di januari caminda ta wordo indica cu na 2024 Parlamento a haya e ultimo actualisacion tocante e negociacion cu Hulanda riba e proceso di Rijkswet pa loke ta e fiansa duna durante pandemia.
Fraccion di MEP a indica cu den prensa nan a compronde cu Minister Presidente Wever-Croes ta indica di ta dispuesto pa bay Parlamento pa splica tur loke ta tumando luga den e caso di e negociacion aki.
Pa e motibo aki, e carta ta indica, ta haci un peticion na Presidente di Parlamento pa yama un Encuentro Publico (OB) mas pronto cu ta posibel, cu presencia di Prome Minister Evelyn Wever-Croes y profesionalnan pa asina Parlamento por haya un 'update' riba e proceso di negociacion andando cu Hulanda.
