HARTFORT, Connecticut: E tristo noticia a drenta, cu e dama Mary E. DiMauro a fayece Diaranson cu edad di 96 aña na pueblo di Wolcott na Connecticut na Merca.
E tabata casa cu Angelo S. DiMauro kende a fayece na 2012.
Mary a nace na Brooklyn (New York) na 1927 y despues di a muda pa Connecticut el a conoce su casa Angelo. Hunto nan a bay biba na Wolcott y crea nan famia eynan.
Ora cu nan a yega na edad grandi, tanto Mary y Angelo tabata viaha constant pa Aruba, como cu nan ta considera e isla aki como nan di dos cas. Nan tabata viaha cu nan famia, y hasta trece amigonan pa bin conoce e isla.
Durante su carera, Mary a traha como asistente ehecutivo pa Avco, tambe Sifco & Forge, y Pratt & Whitney te ora cu el a baha cu pensioen. E tabata hopi activo den su comunidad, y miembro di Farmingbury Woman’s Club, y tambe Women’s Guild di Iglesia Pius X na Wolcott.
El a fayece lagando atras su yiu muher Linda Brenes cu su casa, y tambe su ruman muher Ann Cicchiello. Tambe ta laga atras nietonan. Su entiero lo ta Dialuna 11 di December pa 9:45 am na Funeraria na Waterbury, y despues lo bay Misa Pius X na Wolcott pa wordo dera pa 11:00 am.
