Diasabra awo 25 di November
ORANJESTAD (AAN) – Catherine Midi, Coordinado di Actividad, na Fundacion Arubano pa Esnan Visualmente Incapacita “FAVI”, a duna di conoce cu nan ta preparando bon pa e bingo, y mayoria di carchi ta bendi caba.
No obstante nan tin algun carchi ainda, y Catherine ta pidi comunidad di Aruba pa por fabor yuda e fundacion y cumpra e carchinan pa diez florin so
E ta bay pa un bunita causa, yudando FAVI celebra su di 50 aniversario di existencia, dunando servicio na comunidad di Aruba y na su clientenan.
Corda cu e fecha ta diasabra 25 di November awo, kiermen Diasabra di e siman aki pa 7 or di anochi. Nan kier bende tur e 3 mil ticketnan pa logra nan meta. E fondonan ta wordo uza, un parti pa yuda e clientenan cu ta bin FAVI, y otro parti ta bay pa celebra nan 50 aniversario.
E plan pa 2024 ta pa tin mas presencia pafo, dilanti comunidad, y pa esaki tambe dia 7 di December ta tin un Christmas Karaoke, den su di dos edicion. Aña pasa FAVI a cuminza cu e actividad aki y comunidad a bin. E ta bay ta di 9 or di mainta pa 12 or di merdia, na FAVI mes, y clientenan mes ta bay participa cantando. Lo tin algun trahado y boluntario cu tambe lo ta participando den e evento aki, y ademas lo tin un bazaar cu obranan di man traha pa e clientenan mes, diahuebs awo. Nan ta bay ta na benta pa un prijs super atractivo, señora Midi a duna di conoce. Bar y cushina lo ta bon surti e dia aki.
E fondonan recauda dia 7 di December bek pa tin un fondo pa celebra Pasco cu FAVI su clientenan. FAVI tin un face-page nobo, cu ta un nomber basta largo: Fundacion Arubano di Esnan Visualmente Incapacita, unda nan tin tur informacion di loke FAVI tin planea pa e aña aki.
