ISTANBUL: E temblor devastador cu a azota Turkia y Siria siman pasa, a spanta mundo pa mira con devasta e partinan di tur dos pais a keda.
Cu e cantidad di morto ya caba pasando 42.000, ta haciendo ainda hopi esfuerzo pa busca sobreviviente bao ruina di edificionan, y brinda yudanza na esnan cu a worde rescata.
Mey-mey di tur esaki, e chef y restauranteur turco, Nusret Gökçe, conoci popularmente como Salt Bae, a gana curazonnan online cu su ultimo anuncio.
E chef a priminti di lo entrega 5.000 cuminda cayente tur dia pa e personanan afecta pa e temblor. Salt Bae a dicidi na bay riba social media pa anuncia esaki. Tambe el a pone un video unda bo ta mire, y su team ta yudando e personanan afecta pa e desastre.
Riba e video por mira hendenan para den rij pa ricibi cuminda. Tambe e ta pasa video slow-motion di e cuminda cu e ta prepara, den weyanan enorme den cushinanan mobil. Salt Bae a skirbi: “Nos a cuminza sirbi cuminda cayente pa mas persona, y lo yega na 5.000 persona tur dia.”