ORANJESTAD (AAN): Colegio Nigel Matthew (antes Colegio San Nicolas of Colegio Pariba) ta preparando pa un viahe pa bishita e.o. Merca y Canada, cu ta socede otro aña.
Pa e alumnonan logra bay riba e viahe aki, recien nan a bende un exitoso rifa cu ta yuda cada uno financieramente.
Colegio Nigel Matthew ta organizando e di 7 biahe educativo. E biaha aki a toca turno pa hiba 84 studiante experiencia e bida estudiantil na Canada y Merca.
E mision ta pa a traves di un experiencia educativo y cultural, crea un fundeshi fuerte unda e studiante ta amplia su horizonte pa desaroyo propio, pa tuma rienda di su carera profesional y pa ta prepara pa enfrenta mundo. E vision ta pa conscientisa e studiante pa e determina su carera profesional pa ta exitoso den bida.
E viahe ta wordo yama “CNM Goes Border Crossing Canada-USA 2026”
Pa e motibo aki, Colegio Nigel Matthew ta gradici pueblo y esnan cu ta dunando un man pa haci e viahe posibel. Nan ta manda tambe un danki special na Facilito Cash cu a bira un patrocinador oficial di e food & beverages di e proyecto mahestuoso aki. Aki por mira Rector ing. Ralph Croes ricibiendo e donacion di Facilito Cash.
