El a bay sconde na 2017 ora Pueblo a mande cas cu 32 porciento menos voto
- Huez a dicidi cu Mike y su grupo no ta kibra alma di voto secreto na Aruba
- E bida secreto di Mike for di su retiro cu cantidad di propiedad di Pueblo
ORANJEJESTAD (AAN) Awe Reino y mundo ta aplaudi Aruba cu a logra loke paisnan grandi incluso Reino mes, no a logra.
E logro di Aruba bou direccion di Evelyn Weber-Croes, ta haya un perspectiva mucho mas grandi si tuma na consideracion cu el a wordo presenta cu un pais bancarota dor di Mike Eman, cu Pueblo a manda cas.
Ta e hecho cu Pueblo a manda Mike cas, a haci cu Mike a desaperece cu awa na wowo na 2017 for di e edificionan di Gobierno di Aruba, caminda hunto cu personanan cu tabata forma parti di e grupo di Mike, cantidad di pertinencia di Pueblo di Aruba, a desaparece.
A resulta cu ora Mike Eman a bay cas, su grupo a bay cas cu pertencianan caro di Pueblo di Aruba, cu nan mester bolbe entrega na Gobierno.
Uno di e actonan bochornoso cu a cubri Aruba cu a kita un tercer parti di voto cu Mike Eman tabata tin for di Mike, cu a laga un Aruba destrui atras.
A base di e forma cu Pueblo a mande cas, Mike a declara cu e ta baha como lider di Aruba y di su partido y solamente na 2018 a tende cu Mike tabata na Hulanda pa atende cu un conferencia na e tera friu.
Nada mas a tende di Mike Eman te e momento cu Mike Eman a pensa cu su herencia desastroso di Aruba, lo a bira e piedra fatal pa Aruba cu ningun Gobierno mas lo por a goberna.
Mike Eman no a mira su pensamento bira realidad pasobra contra tur loke hende por a pensa, Aruba bou Evelyn Wever-Croes a conoce recuperacion.
Un recuperacion milagroso despues cu hasta mester a bay busca yabinan di refineria cerca Nicolas Maduro, cu Mike kier a importa como hefe di economia di Aruba.
Eleccion di 2021 a bira uno di e momentonan doloroso pa e forma cu Huez mester a pone orden den cas di Aruba ya cu, manera Huez a trece dilanti den su veredictonan, AVP a haci loke awe ta pasa na entre otro Venezuela.
Huez a nenga di no laga kima e resultadonan di voto manera Ley ta exigi y Huez a mustra riba e peliger cu e loke AVP tabata kier durante eleccion, lo a haci posibel pa AVP deshaci di e caracter di secreto di voto, cu lo a pone Pueblo den man di AVP.
Te awe ta keda pa nos e pregunta grandi con por tabata posibel cu AVP a comete e crimen di entrega den sala di corte como Prueba na Juez, un documento di eleccion cu ta secreto?
Huez a cuestiona esaki tambe y tabata Huez cu a evita pa Mike Eman cu su grupo a comberti Aruba den un segundo Venezuela di Maduro.
Ta lastima cu hobennan awe, no ta trata di atende cu e abuso cu Mike Eman a haci cu Pueblo di Aruba riba tur tereno, pero ta presenta storianan falso pa asina trata na logra un accion di limpieza di Mike Eman y su partido, despues cu Mike Eman a duna prueba cu e no ta kibra cu Benny Sevinger y cu e no ta laga Benny Sevinger cay pasobra Benny Sevinger a wordo condena na prison dor di Huez.
Aruba ta biba uno di su momentonan mas doloroso ora el a pensa cu durante e proximo eleccion, den partido AVP un cambio lo wordo forsa dor di hobennan, cu sinembargo, na e momentonan aki ta entrega e miedo cu ta pio mester spera di AVP a base di mentiranan cu ta wordo uza pa haya voto pa un partido cu a pone cara di Aruba na berguenza y a cubri e pais cu un debe nacional, cu sin e recuperacion logra pa Gabinetenan di Wever-Croes, lo a laga Aruba zink den hambert y miseria causa pa Mike Eman y su gangnan.
