ORANJESTAD (AAN): El a cumpra su numbernan pa e sorteo di Big 4 na dos diferente rebendedor, y a gana tambe!
Pesey mes riba Diahuebs siman pasa, Giovanni a acudi na oficina di Lotto na Playa pa asina reclama su premio.
Na su yegada, mesora e empleadonan di Lotto a check si acaso el a pone su firma na e banda patras di e ticketnan, y asina a sigui pa scan e barcode den e computer. Inmediatamente e computer a indica, cu el a gana 11.400 Florin cu e wega di Big 4 Anochi.
Despues di esey mesora e trahadornan a cuminza cu e proceso pa transferi su premio electronicamente pa su cuenta di banco. Giovanni a indica cu e ticket ganador el a cumpra na dos rebendedor, esta uno ta Lucky Trailer, y el a cumpra tambe na Rocking Belly Snacks & Lottery.
